4 наурыз күні М. Өтемісұлы атындағы Оқушылар сарайында мектеп парламенттері президенттері мен оқушылардың өзін-өзі басқару көшбасшыларының қатысуымен «Көктем симфониясы» атты мерекелік бал өтті. Аталған шара аналарға, ұстаздарға және барлық ару жандарға арналған көктемгі іс-шаралардың бірі болды.
Мерекелік бағдарлама барысында мектеп және студенттік парламент көшбасшылары салтанатты вальс биін билеп, қонақтарға көктемнің әсем көңіл күйін, сұлулық пен шабыт сыйлады.
Бұл іс-шараға біздің мектебіміздің президенті Айтуған Медина қатысты.
Сіздерге зор денсаулық, жан жылуы, көктемгі көтеріңкі көңіл күй, шабыт және жауапты да маңызды еңбектеріңізге жаңа жетістіктер тілейміз.
Көктем, сұлулық және құрмет мерекесі құтты болсын!